थेंब...

थेंब न् थेंब पाण्याचा, जीवनात रस भरणारा 
थेंब न् थेंब घामाचा, कष्टात आनंद देणारा  


थेंब न् थेंब आसवाचा, दु:खात भार हलका करणारा 
थेंब न् थेंब आसवाचा, सुखात समाधान देणारा  


थेंब न् थेंब सागराचा, अगस्तीने पिऊनही उरणारा 
थेंब न् थेंब विषाचा, महादेवाने पिऊनही पचवणारा


थेंब न् थेंब अत्तराचा, सर्वत्र  सुगंध दरवळणारा 
थेंब न् थेंब मद्याचा, प्याल्यात असाच वाहून जाणारा 


थेंब न् थेंब 'सागराचा ' आता क्षणात विरुन जाणारा
मिटल्या पापणीतून ओघळण्या आधीच गोठून जाणारा


~सागर