मृगजळ

माझ्या जीवनाच्या रखरखीत वाळवंटात
तुझ्या रुपाने पाणी दिसले होते
तहान माझी अफाट होती जरी
तरी एका गोष्टीचे भान मला विसरायला झाले होते
तू म्हणजे माझी तहान भागवणारे
पाणी नसून एक मृगजळच आहेस

वाळवंटात पाण्यावाचून तडफडणारा देखील
समोर पाणी नाहिये हे
माहीत असूनही मृगजळामागे धावत असतो
तेच माझ्याबाबतीत घडू पाहतंय
तू माझी होणार नसलीस, तरीही
तुझी तहान लागलेला मी
तुझ्याऎवजी तुझ्या प्रतिबिंबावर - मृगजळावरच
समाधान मानून घेणार आहे

कारण मृगजळामागे धावता धावता
तहानेने व्याकुळ झालेल्याला
अचानक पाणी मिळून तो तृप्त होतो
कदाचित् तेच माझ्याबाबतीतही घडू शकेल ...
म्हणूनच मी या मृगजळामागे धावणार आहे....

- सागर