येथे कर माझे जुळती

त्या लहानग्या हाताचा स्पर्श
जाणवत नव्हता जणू तिला
सर्व लक्ष लागले होते तिचे
दरवाज्याकडे
का बरे असे व्हावे?
या दरवाज्यातून आत येणारा
मनसोक्त लुटणार होता तिला
आणि विझवणार होता
डोंब वासनेचा...
हे सगळं
ती सहन करणार होती
त्याने दिलेल्या पैशासाठी
तिला हवा होता
पैसा... फक्त पैसा
त्याच नराधमांनी
जन्मास घातलेल्या
त्या लहानग्या जीवासाठी
त्या लहानग्याचे भविष्य
घडविण्यासाठी....

- सागर